قانونی ماہرین سے مشاور ت کے بعد لائحہ عمل کا فیصلہ کریں گے: مریم اورنگزیب
اسلام آباد (ایم وی این نیوز ) وزیر مملکت برائے اطلاعات و نشریات مریم اورنگزیب نے کہا ہے کہ نوازشریف کو وزیراعظم کی کرسی کی ضرورت نہیں ، پاکستان کا کوئی بھی وزیر اعظم ہو عوام کے دلوں کا وزیرا عظم نوازشر ہے اور وہ دن دور نہیں جب نوازشریف پاکستان کے چوتھی دفعہ منتخب وزیر اعظم ہونگے۔پاناما کیس کے فیصلے میں وزیر اعظم کی تاحیات نااہلی کے بعد میڈیا سے گفتگو کرتے ہوئے انہوں نے کہا کہ قانونی ماہرین سے مشورہ کر کے آئندہ کے لائحہ عمل کا فیصلہ کریں گے ، ”کارکنوں سے کہنا چاہتی ہوں آپ کی قیادت پر ایک پیسے کی سرکاری کرپشن ثابت نہیں ہوئی “۔ نوازشریف وہ حقیقت اور تاریخ ہیں جسے کسی بھی طرح پاکستان کے عوام کی خدمت سے روکا نہیں جا سکتا ۔
مریم اورنگزیب کا کہنا تھا کہ مسلم لیگ نواز کو سیاسی منظر سے ہٹایا گیا ۔ پاکستان کے دلوں کا وزیر اعظم نوازشریف ہے تاہم آج سپریم کورٹ کے فیصلے سے حیرانی ہوئی ہے ۔ نواز لیگ ایک حقیقت ہے اور پورے ملک میں سب سے زیادہ کارکن ہماری جماعت کے ہیں ۔مشورہ کر کے اگلے لائحہ عمل کا اعلان کریں گے اور عوام ہمارے ساتھ ہونگے ۔
0 comments
Write Down Your Responses