عالمی چیمپئن سنوکر محمد آصف سے ملاقات کے دوران ڈی سی اونے سنوکر ٹریننگ اکیڈمی کے قیام کا اعلان کر دیا

فیصل آباد (سلیم شاہ ،چیف انوسٹی گیشن سیل)ڈی سی او نورالامین مینگل نے فیصل آباد میں سنوکر ٹریننگ اکیڈمی کے قیام کا اعلان کیا ہے اس سلسلے میں شہباز ٹاؤن ثانی روڈ پر اراضی مختص کی جارہی ہے جس کے لیے ضلعی انتظامیہ ابتدائی طور پر ایک کروڑ روپے فراہم کرے گی۔اس امر کا اعلان ڈی سی او نورالامین مینگل نے فیصل آباد سے تعلق رکھنے والے سنوکر کے عالمی چیمپئن محمد آصف سے ملاقات کے دوران کیا۔ڈی سی او نے سنوکر کے کھیل میں بہترین صلاحیتوں کا مظاہرہ کرکے عالمی تاج پہننے پر محمد آصف کو خراج تحسین پیش کیا اور سنوکر کے کھیل کی ترقی و فروغ کے لیے ضلعی انتظامیہ کے ہر ممکن تعاون کی یقین دہانی کرائی۔ انہوں نے کہا کہ کھیلوں کے میدان میں غیر معمولی کارکردگی دکھانے والے قوم کے ہونہار اور باصلاحیت نوجوانوں کی حوصلہ افزائی جاری رکھی جائے گی۔

0 comments

Write Down Your Responses