ڈرون حملوں کیخلاف اقوام متحدہ کی جنرل اسمبلی میں قراردادکامنظور ہونے کا سہرا وزیراعظم پاکستان میاں نوازشریف کو جاتا ہے

ڈیرہ ا سماعیل خان(انوسٹی گیشن ٹیم)مسلم لیگ ن کے جنرل سیکرٹری چوہدری ریاض ایڈوکیٹ نے کہاہے کہ ڈرون حملوں کیخلاف اقوام متحدہ کی جنرل اسمبلی میں قراردادکامنظور ہونے کا سہرا وزیراعظم پاکستان میاں نوازشریف کو جاتا ہے۔ تاریخ میں پہلی مرتبہ اقوام متحدہ میں ڈرون حملوں کے خلاف قرار داد پاس کی گئی۔ میاں نواز شریف کی جراتمندانہ پالیسیوں کا دل کی گہرائیوں سے خیر مقدم کرتے ہیں اور مبارکباد پیش کرتے ہیں کہ جس طرح انہوں نے امریکی صدر باراک اوبامہ کوڈرون حملے بند کرنے کی بات کی۔ انہوں نے کہا وزیراعظم نوازشریف کی کامیاب پالیسیوں کی وجہ سے ہی اقوام متحدہ کی جنرل اسمبلی میں کشمیریوں کے حق خودرادیت کی قراردادبھی منظورکی گئی۔

0 comments

Write Down Your Responses