ڈکیتی کے متعددکیسوں میں مطلوب اشتہاری ملزم کوسی آربی سی چیک پوسٹ سے گرفتار

ڈیرہ ا سماعیل خان(انوسٹی گیشن ٹیم)صدرپولیس نے ڈکیتی کے متعددکیسوں میں مطلوب اشتہاری ملزم کوسی آربی سی چیک پوسٹ پرگرفتارکرکے ملزم سے دستی بم اوردیگراسلحہ برآمدکرلیا‘مقدمہ درج۔تفصیلات کے مطابق صدرپولیس کی بھاری نفری نے ڈیرہ ٹانک روڈپر سی آربی سی چیک پوسٹ پرناکہ بندی کے دوران ڈیرہ اسماعیل خان آنیوالی مسافربس نمبرC-1592مردان کوروک کرتلاشی لی توایک مسافرکومشکوک سمجھ کربس سے اتارا۔دوران تفتیش معلوم ہواکہ مذکورہ مسافرمحمدایوب ولدغیزراللہ وزیرسکنہ شکئی حال میاں وڈاپہاڑپورہے جوصدرپولیس کو21دسمبر2013ء اور30نومبر2013ء کے ڈکیتی کے کیسوں میں اشتہاری تھا۔پولیس نے ملزم کوگرفتارکرکے اس کے بریف کیس کی تلاشی کے دوران بریف کیس سے ایک دستی بم بمعہ ڈیٹویٹر‘ایک پستول تیس بوربمعہ فٹ میگزین اورگیارہ کارتوس برآمدکرلئے۔پولیس نے اشتہاری ملزم ایوب کیخلاف 4/3ESA/13AOکے تحت تھانہ صدرمیں مقدمہ درج کرلیا۔

0 comments

Write Down Your Responses