مقیم شاہ مڈل سکول کے قریب تین مسلح ملزمان نے چنگ چی پرگھرجانیوالے ایک ہی خاندان کے چارافرادسے ایک لاکھ ساٹھ ہزارروپے کی رقم چھین لی

ڈیرہ ا سماعیل خان(انوسٹی گیشن ٹیم) مقیم شاہ مڈل سکول کے قریب تین مسلح ملزمان نے چنگ چی پرگھرجانیوالے ایک ہی خاندان کے چارافرادسے ایک لاکھ ساٹھ ہزارروپے کی رقم چھین لی تاہم ہاتھاپائی کے دوران ملزمان اپناموٹرسائیکل اوراسلحہ چھوڑکرفرارہوگئے۔تفصیلات کے مطابق حبیب اللہ ‘اسکاوالدرحمان جان محسود‘چچامقرب خان اوربھائی جمشیداپنی دکان بندکرکے چنگ چی پرمقیم شاہ میں اپنے گھرجارہے تھے کہ مڈل سکول کے قریب اچانک تین مسلح ملزمان نے انکوروک لیا اوران سے رقم کاتقاضاکیا۔اس دوران ہاتھاپائی کے دوران ملزمان ان سے ایک لاکھ ساٹھ ہزارروپے کی رقم زبردستی چھین کرفرارہوگئے تاہم ہاتھاپائی کے دوران ملزمان اپناموٹرسائیکل ‘ایک پستول تیس بور اورپانچ کارتوس چھوڑکرفرارہوگئے۔صدرتھانہ میں حبیب اللہ نے موٹرسائیکل اوراسلحہ پولیس کے حوالے کرکے تین ملزمان کیخلاف382/34/13AO-PPCکے تحت مقدمہ درج کرادیا۔

0 comments

Write Down Your Responses