موجودہ حکومت بلدیاتی انتخابات میں اپنی واضح شکست سے بچنے کے لئے خود ملتوی کرانا چاہتی ہے

ہارون آباد ( انویسٹی گیشن ٹیم) اللہ اکبر تحریک پاکستان کے سربراہ ڈاکٹر میاں احسان باری نے میڈیانمائندگان سے خصوصی گفتگو کرتے ہوئے کہا ہے کہ موجودہ حکومت بلدیاتی انتخابات میں اپنی واضح شکست سے بچنے کے لئے خود ملتوی کرانا چاہتی ہے اگر ایسا کیا گیا تو یہ موجودہ حکومت کے منہ پر اپنے ہی ہاتھوں سے دونوں ا طراف طمانچہ مارنے کے مترادف ہوگا ۔یہ مفلوک الحال پسے ہوئے طبقات کے حقوق پر دن دیہاڑے داکہ مارنے والی پالیسی کی ہم شدید مذمت کرتے ہوئے مطالبہ کرتے ہیں کہ سپریم کورٹ کے احکامات پر من و عن عملدرآمد کر کے اپنے آئینی حلف کی وفادرای کا ثبوت دیں ۔انہوں نے کہا کہ موجودہ حکومت نے عوام کو سوائے مایوسی کے علاوہ کچھ نہیں دیا جبکہ دہشت گردی ،مہنگائی اور بے روز گاری اپنی آخری حدوں کی بھی پار کر چکے ہیں ۔انشاء اللہ تعالیٰ اللہ اکبر تحریک پاکستان بلدیاتی انتخابات بھر پور طریقے سے حصہ لے گی اور کامیابی حاصل کر کے علاقہ کی پسماندگی دور کر نے کی کوشش کرے گی ۔

0 comments

Write Down Your Responses