بلدیاتی انتخابات کےلئے سندھ اور پنجاب کےکاغذات نامزدگی الیکشن کمیشن کی ویب سائٹ پرجاری

اسلام آباد(ایم وی این نیوز) الیکشن کمیشن نے اپنے سرکاری وب سائٹ پر سندھ اور پنجاب میں بلدیاتی انتخابات کے لئے کاغذات نامزدگی جاری کردیئے ہیں۔
الیکشن کمیشن کے مطابق سندھ اور پنجاب میں طے شدہ تاریخوں پر بلدیاتی انتخابات کے لئے ہنگامی بنیادوں پر کام جاری ہے، سندھ میں 8لاکھ جبکہ پنجاب کے لئے 50 لاکھ کاغذات نامزدگی کی چھپائی کا عمل جاری ہے  اس کے علاوہ دونوں صوبوں کے لئے کاغذات نامزدگی فارم جبکہ پنجاب اور بلوچستان میں ڈسٹرکٹ ریٹرننگ افسران  اور ریٹرننگ افسران کی فہرست بھیالیکشن کمیشن کی ویب سائٹ پر جاری کردیئے گئے ہیں۔
واضح رہے کہ سندھ میں 27 نومبر اور پنجاب میں 7 دسمبر کو بلدیاتی انتخابات ہونا قرار پائے ہیں تاہم سندھ حکومت نے الیکشن کمیشن کو صوبے میں بلدیاتی انتخابات 7 دسمبر کو کرانے کے درخواست دے دی ہے۔

0 comments

Write Down Your Responses