قومی اسمبلی نے پبلک مفادات انکشافات بل کثرت رائے سے منظور کر لیا

 

اسلام آباد(ایم وی این نیوز)قومی اسمبلی میں سپیکر ایاز صادق کی زیر صدارت اجلاس میں پبلک مفادات انکشافات بل کثرت رائے سے منظور کر لیاگیا ہے ۔تفصیلا ت کے مطابق آج ہونے والے قومی اسمبلی کے اجلاس میں سپیکر ایاز صادق کی زیر صدارت پبلک مفادات انکشافات کا بل منظور کرلیا گیا ہے ،جبکہ بل کی مخالفت میں اپوزیشن کی جانب سے خوب تنقید کی جا رہی ہے۔وفاقی وزیر قانون زاہد حامد کا اپوزیشن کی تنقید کے حوالے سے کہنا تھا کہ اپوزیشن انکشاف سے متعلق بل پرتنقید برائے تنقید کررہی ہے،ان کا کہنا تھا کہ اپوزیشن کی کوئی ترامیم ہیں تو پیش کرے ،اپوزیشن کی تنقید برائے تعمیر ہو تو زیادہ بہتر ہے۔وزیر قانون کا کہنا تھا کہ یہ ایک بہت اہم بل ہے،جس سے عوامی مفادات میں انکشافات کابل کرپشن کیخلاف ہتھیارثابت ہوگا۔زاہد حامد کا کہنا تھا کہ احتساب قانون کے لیے پارلیمانی کمیٹی قائم کردی گئی ہے،حکومت احتساب کا نیا قانون لائے گی۔

,

0 comments

Write Down Your Responses