تعلیمی اداروں میں 14اگست سے کولڈ ڈرنکس کی فروخت پر مکمل پابندی

لاہور (ایم وی این نیوز)پنجاب فوڈ اتھارٹی کی 14اگست سے تمام تعلیمی اداروں میں کولڈ ڈرنکس اور انرجی ڈرنکس کی فروخت پر مکمل پابندی عائد کر تے ہوئے پابندی پر سختی سے عمل درآمد کے لیے خصوصی آپریشن ٹیمیں تشکیل دے دی ہیں ۔تفصیلات کے مطابق پنجاب فوڈ اتھارٹی کے ڈی جی   نورالامین مینگل نے کہا کہ 14 اگست سے تمام تعلیمی اداروں میں کولا اور انرجی ڈرنکس کی فروخت پر پابندی پر سختی سے عمل درآمد کروانے کی منظوری دی ہے  ، بورڈ نے پابندی پر عمل درآمد کروانے کے لیے 701خصوصی آپریشن ٹیمیں تشکیل دینے کی بھی منظوری دی۔ علاوہ ازیں14 اگست سے 13 ستمبر تک پابندی پرعمل درآمد مہینہ کے طور پر منایا جائے گا اور تمام آپریشن ٹیمیں کولڈ ڈرنکس پر لگائی جانے والی پابندی پر عمل درآمد کروانے کے لیے متحرک رہیں گی۔نور الامین مینگل کا کہنا تھا کہ  کولڈ ڈرنکس سے پیدا ہونے والے بچوں کی صحت ، نشوونما اور ہڈیوں کے مسائل پیدا ہونے اور کولڈ ڈرنکس کی مجموعی فروخت کے 27%کا تعلیمی اداروں میں فروخت ہونے کے پیش نظرکولڈ ڈرنکس کی تعلیمی اداروں میں مکمل پابندی پر ہنگامی طور پر عمل درآمد کی سخت ضرورت پر اتفاق کیا گیا۔ پنجاب فوڈ اتھارٹی بورڈ انے  ملاوٹ کے خلاف سپیشل مہمات چلانے کی بھی منظوری دی گئی، گٹکا فری پنجاب کی کامیاب مہم کی طرز پر ملاوٹ کے خلاف سپیشل مہمات چلائی جائیں گی، تمام مہمات ویجیلنس سیل کی مدد سے چلائی جائیں گی۔ویجیلنس سیل نے اب تک 30 لاکھ پیکٹ گٹکا کے علاوہ 369 جعلی فیکٹریاں سیل کی ہیں۔گھی، آٹا، نمک کی فورٹی فیکیشن، مطلوبہ صحت مند اجزا شامل کرنے پر سختی سے عمل درآمد کروانے کی بھی منظوری دی گئی۔

,

0 comments

Write Down Your Responses