شامی فوج کی مشرقی علاقے میں کارروائی

دمشق(انویسٹی گیشن ٹیم) شامی فوج نے مشرقی علاقے میں کارروائی کے دوران سیکڑوں باغیوں کو ہلاک کرنے کا دعوی کیا ہے ۔فوج نے مشرقی علاقے میں باغیوں کی محفوظ پناہ گاہوں پر حملے کئے جس کے دوران القاعدہ کی ذیلی تنظیم النصرہ فرنٹ کے 175 افراد ہلاک ہوگئے جبکہ اس دوران فوج نے بھاری تعداد میں اسلحہ بھی برآمد کرلیا، عسکری حکام کا دعویٰ ہے کہ مارے جانے والے افراد میں بیشتر کا تعلق سعودی عرب اور اردن سے ہے جو شامی حکومت کے خلاف تخریب کاریوں میں ملوث تھے ۔واضح رہے کہ شام میں 2011 کے بعد سے سیکیورٹی فورسز اور باغیوں کے درمیان جھڑپوں کے نتیجے میں اب تک ایک لاکھ 40 ہزار سے زائد افراد ہلاک ہوچکے ہیں جبکہ لاکھوں شامی شہری پڑوسی ممالک میں پناہ لینے پر مجبور ہیں۔

0 comments

Write Down Your Responses